ທ່ານ ສີ ຈິ້ນຜິງ ລົງສຳຫຼວດ-ຄົ້ນຄວ້າ ຢູ່ນະຄອນຫຼວງປັກກິ່ງ ແລະ ແຂວງເຮີເປີຍ, ສປ ຈີນ
ສຳນັກຂ່າວຊິນຣວາ, ວັນທີ 10 ພະຈິກນີ້, ທ່ານ ສີ ຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກຄອມມູນິດຈີນ,
ປະທານປະເທດຈີນ, ປະທານຄະນະກຳມະການການທະຫານສູນກາງຈີນ ໄດ້ສຳຫຼວດຄົ້ນຄວ້າວຽກງານກໍ່ ສ້າງຄືນໃໝ່ຫຼັງໄພພິບັດ
ຢູ່ນະຄອນຫຼວງປັກກິ່ງ ແລະ ແຂວງເຮີເປີຍຂອງຈີນ. ລະຫວ່າງທ້າຍເດືອນກໍລະກົດ ຫາ ຕົ້ນເດືອນ ສິງຫາ ປີນີ້, ແຂວງຕ່າງໆຂອງ
ຈີນ ເຊັ່ນ: ພາກເໜືອ ແລະ ເຂດລະຫວ່າງທິດໃຕ້ແມ່ນ້ຳເຫຼືອງ ກັບທິດເໜືອແມ່ນ້ຳຮວາຍເຮີໄດ້ມີຝົນຕົກແຮງທີ່ສຸດ ຈົນເຮັດໃຫ້
ເກີດໄພນໍ້າຖ້ວມ ແລະ ໄພພິບັດທໍລະນີຕ່າງໆ, ຢູ່ນະຄອນຫຼວງປັກກິ່ງ ແລະ ແຂວງເຮີເປີຍ ມີປະຊາຊົນຈຳນວນຫຼາຍເສຍຊີວິດ
ແລະ ບາດເຈັບ. ວັນທີ 10 ພະຈິກນີ້, ທ່ານ ສີ ຈິ້ນຜິງ ໄດ້ໄປຮອດເມືອງ ເມີນໂທໂກ່ ຂອງນະຄອນຫຼວງປັກກິ່ງ ແລະ ນະຄອນ
ປາວຕີ້ງຂອງແຂວງເຮີເປີຍເພື່ອຊອກຮູ້ສະພາບການກໍ່ສ້າງຄືນໃໝ່ຫຼັງໄພພິບັດ.
ໂອກາດດັ່ງກ່າວ, ທ່ານ ສີ ຈິ້ງຜິງ ເນັ້ນໜັກວ່າ: ຄະນະພັກ ແລະ ອົງການປົກຄອງທ້ອງຖິ່ນຂັ້ນຕ່າງໆ ພ້ອມຝ່າຍຕ່າງໆທີ່ກ່ຽວ
ຂ້ອງຕ້ອງຕັ້ງໃຈຈັດຕັ້ງປະຕິບັດການຈັດວາງ ແລະ ການຕົກລົງນະໂຍບາຍຂອງສູນກາງພັກ, ເຮັດວຽກການຟື້ນຟູ ແລະ ກໍ່ສ້າງຄືນ
ໃໝ່ຫຼັງໄພພິບັດໃຫ້ດີ, ຮັບປະກັນປະຊາຊົນອັນມະຫາສານຢູ່ເຢັນເປັນສຸກ ແລະ ດຳລົງຊີວິດໃນລະດູໜາວຢ່າງອົບອຸ່ນ. ພ້ອມກັນ
ນັ້ນ, ຕ້ອງເລັ່ງລັດປັບປຸງລະບົບໂຄງການປ້ອງກັນໄພນ້ຳຖ້ວມໃຫ້ສົມບູນ, ຍົກຄວາມສາມາດປ້ອງກັນຫຼຸດຜ່ອນ ແລະ ກອບກູ້ໄພ
ພິບັດໃຫ້ສູງຂຶ້ນຢ່າງບໍ່ຢຸດຢັ້ງ.
ແຫຼ່ງທີ່ມາ: ໜັງສືພິມກອງທັບ
ວັນທີ 15/11/2023